அமெரிக்காவால் அனுப்பப்பட்ட ராக்கெட் வெடித்து சிதறியது - THAMILKINGDOM அமெரிக்காவால் அனுப்பப்பட்ட ராக்கெட் வெடித்து சிதறியது - THAMILKINGDOM
  • Latest News

    அமெரிக்காவால் அனுப்பப்பட்ட ராக்கெட் வெடித்து சிதறியது

    அமெரிக்கா, ரஷியா, ஜப்பான் உள்ளிட்ட 13 நாடுகள் இணைந்து விண் வெளியில் ஆய்வகம் அமைக்கின்றன. அதற்கான கட்டுமான பணி நடந்து வருகிறது. இதில் விண்வெளி வீரர்கள் ஈடுபட்டுள்ளனர்.

    அவர்களுக்கு தேவையான உணவு பொருட்கள் மற்றும் கட்டுமான பொருட்கள் விண்கலம் மூலம் அனுப்பப்பட்டு வருகின்றன. அமெரிக்காவின் ‘நாசா‘ சார்பில் அனுப்பப்பட்ட விண்கலன்கள் ஓய்வு பெற்று விட்டன.
    எனவே கட்டுமான பொருட்கள் மற்றும் வீரர்களுக்கு தேவையான உணவு பொருட்களை ‘ஆர்பிடல் சயின்சஸ் கார்ப்பரேசன்’ மற்றும் ‘ஸ்பேஷ் எக்ஸ்’ என்ற தனியார் நிறுவனங்களின் வீண்கலனை ராக்கெட் மூலம் அனுப்பி வருகிறது.

    இந்த நிலையில் ‘ஆர்பிடல் சயின்சஸ் கார்ப்பரேசன் நிறுவனத்தின் ஆன்டரெஸ் என்ற ராக்கெட் மூலம் சயிக்னஸ் என்ற விண்கலத்தை அனுப்ப நாசா ஏற்பாடு செய்தது.

    அதில், சர்வதேச விண்வெளி நிலையத்தில் தங்கியிருக்கும் 6 வீரர்களுக்கு தேவையான 2,200 கிலோ எடையுள்ள உணவு பொருட்கள் ஏற்றப்பட்டிருந்தன. அந்த ராக்கெட் விர்ஜீனியா மாகாணத்தின் வால்லோப்ஸ் தீவில் உள்ள தளத்தில் இருந்து நேற்று முன்தினம் விண்ணில் செலுத்த ஏற்பாடு செய்யப்பட்டது.

    அப்போது ராக்கெட்டுடன் பயணமாகும் விண்கலத்தில் கோளாறு ஏற்பட்டதால் விண்ணில் செலுத்தாமல் நிறுத்தப்பட்டது. எனவே கோளாறு சரி செய்யப்பட்ட பிறகு நேற்று மீண்டும் விண்ணில் செலுத்தப்பட்டது.
    உடனே ராக்கெட் நெருப்பை கக்கியபடி விண்ணில் சீறிப்பாய்ந்தது. இதை விஞ்ஞானிகளும், அதிகாரிகளும் உன்னிப்பாக கண்காணித்தப்படி இருந்தனர். ஆனால் எதிர்பாராத விதமாக செலுத்தப்பட்ட 6–வது வினாடியில் ராக்கெட் வெடித்து சிதறியது.
    அதனால் ராக்கெட் தீபிழம்பாக விண்ணில் இருந்து எரிந்து தரையில் விழுந்தது. அக்காட்சி சூரிய அஸ்தமனம் போன்று இருந்தது. இதைப்பார்த்த விஞ்ஞானிகள் உள்பட அனைவரும் அதிர்ச்சியும், வேதனையும் அடைந்தனர்.
    இந்த ராக்கெட் 14 அடுக்கு மாடிகளை கொண்டது. தற்போது இந்த ராக்கெட்டின் உடைந்து விழுந்த உதிரி பாகங்களை தேடும்பணி நடைபெற்று வருகிறது. அவற்றை கண்டுபிடித்து அதன்மூலம் ராக்கெட் என்ஜினில் ஏற்பட்ட கோளாறு கண்டுபிடிக்கப்பட்டது.

    பின்னர் மீண்டும் அதை விரைவில் வெற்றிகரமாக விண்ணில் செலுத்துவோம் என ‘ஆர்பிடல் சயின்சஸ் கார்ப்பரேசன்’ செயலக துணைத் தலைவர் பிராங்க் கல்பெர்ட்சன் தெரிவித்துள்ளார்.
    இந்த ராக்கெட் சோவியத் ரஷியா சந்திரனுக்கு அனுப்பிய என்–1 என்ற ராக்கெட்டை மாடலாக வைத்து தயாரிக்கப்பட்டது.
    • Web site Comments
    • Facebook Comments
    Item Reviewed: அமெரிக்காவால் அனுப்பப்பட்ட ராக்கெட் வெடித்து சிதறியது Rating: 5 Reviewed By: Bagalavan
    Scroll to Top