முடிவுகள் தாமதம் பொறுப்பேற்கத் தயார்.! மக்களுக்கு ஜனநாயகம் கிடைத்தாக - மஹிந்த தேசப்பிரிய
மேலும் கூறுகையில்,
தேர்தல் முடிவுகளை வெளியிடுவதில் தாமதம் ஏற்பட்டமைக்கு தனிப்பட்ட காரணிகள் அல்லது சூழ்ச்சிகள் என எவையும் இல்லை. எனினும் தேர்தல் முடி வுகள் அனைத்தும் உரிய வட்டாரங்களுக்கு 12 மணியளவில் தெரிவிக்க முடிந்தது. மக்களுக்கு பொதுவாக தெரிவிக்கும் செயற்பாடுகளில் சிக்கல்கள் ஏற்பட்டன.
அதற்கு தேர்தல் தரவுகளை வெளியிடும் கணினிகளின் தொழிநுட்ப கோளாறு காரணமாகவே இவ்வாறான தாமதங்கள் ஏற்பட்டன. அதேபோல் எமக்கு இரு க்கும் மிகப்பெரிய சிக்கலானது எமக்கான தமிழ் மொழி பெயர்ப்பு உதவியாளர்கள் இல்லாமையேயாகும்.
சிங்கள தமிழ் மொழியில் நாம் கடமையாற்றும் நிலையில் சிங்கள மொழிச் செயற்பாடுகள் குறித்து விரைவாக செயற்பட முடிந்த போதும் தமிழ் மொழிபெயர்ப்பு நடவடிக்கைகள் கையாள எமக்கு போதிய தகுதியான நபர்கள் இல்லை.
ஆகவே மொழிபெயர்ப்புச் செயற்பாடுகள் அனைத்தினையும் முன்னெடுக்கும் போது கால தாமதம் ஏற்படுகின்றது.
இவ் விடயங்கள் குறித்து நாம் உரிய அதிகாரிகளிடம் பல தடவைகள் தெரிவித்துள்ளோம். ஆனால் எந்தவித நடவடிக்கைகளும் எடுக்கப்படவில்லை. எனினும் இவற்றை காரணம் காட்டி நான் தப்பித்துக்கொள்ள தயாராக இல்லை. ஆகவே எல்லாவற்றின் பொறுப்பையும் நான் தனிப்பட்ட ரீதியில் ஏற்றுக்கொள்கிறேன்.
தேர்தல் குறித்து சில முறைப்பாடுகள் இன்றும் பதிவாக்கப்பட்டுள்ளன. எதிர்வரும் தினங்களில் மேலும் சில தேர்தல் முறைப்பாடுகள் பதிவாகும். எனினும் இவற்றில் ஏற்றுக்கொள்ள முடியாத ஆதாரமற்ற முறைப்பாடுகளும் உள்ளன. ஆயுதமேந்தி வந்த குழுவினர் வடக்கில் ஒரு பிரதேசத்தில் மக்களை அச்சுறுத்தியதாக முறைப்பாடு பதிவாகியுள்ளது.
ஆனால் பாதுகாப்பு அதிகாரிகள் பொதுமக்கள் இருந்த ஒரு வாக்குச்சாவடியில் அவ்வாறான சம்பவம் இடம்பெறுவது என்பது ஏற்றுகொள்ள முடியாத ஒன்றாகவே உள்ளது.
அவ்வாறு இடம்பெற்றிருந்தால் அங்கிருந்த அனைவருமே பொறுப்புக்கூற வேண்டும். எனினும் குறித்த முறைப்பாடு தொடர்பில் நாம் நடவடிக்கைகளை எடுத்து வருகின்றோம்.
ஏனைய சாதாரண முறைப்பாடுகள் சிலவும் பதிவாகியுள்ளன. அவை தொட ர்பில் நடவடிக்கைகள் எடுக்கப்படும். முறைப்பாடுகளுக்கு அமைய தெரிவுசெய்யப்பட்ட நபர்கள் மீது குற்றம் உறுதியாகும் பட்சத்தில் நடவடிக்கைகள் எடுக்கப்படும். அதேபோன்று மார்ச் மாதம் 6 ஆம் திகதியே சபைகள் அமைக்கப்படவுள்ள நிலையில் பதவி விலகும் நபர்கள் 6 ஆம் திகதியின் பின்னரே அவ்வாறு இராஜினாமா செய்ய முடியும்.
குறிப்பாக சுயேச்சைக் குழுக்களில் தெரிவு செய்யப்பட்ட நபர்கள் அவ்வாறே விலக முடியும்.
நடைபெற்று முடிந்த தேர்தல் குறித்து மகிழ்ச்சியாகவும் அதே நிலையில் கவலையாகவும் உள்ளது. அமைதியான முறையில் தேர்தல் நடந்தேறியுள்ளது.
சில குற்றங்கள் நடைபெற்றுள்ள போதிலும் கடந்த காலங்களை விடவும் நல்ல வகையில் மக்கள் ஜனநாயகத்தை உணரும் வகையில் தேர்தல் இடம்பெற்றுள்ளது. சிலர் பொய் பிரச்சாரங்களை செய்து எம்மை விமர்சித்த போதி லும் உண்மைகள் என்னவென்பது சகல அரசியல் கட்சிகளுக்கும் தெரியும்.
தேர்தல் முடிவுகளை வெளியிடும் நேரம் சகல கட்சிகளின் பிரதிநிதிகளும் எம்முடன் இருந்தனர். நாம் சுயாதீனமாக செயற்படுவது அனைவருக்கும் தெரி யும். எனினும் தேர்தலின் பின் சில மோசமான சம்பவங்கள் இடம்பெற்று உயி ரிழப்புச் சம்பவங்கள் சில நடைபெற்றமை வருத்தமளிக்கின்றன. எவ்வாறு இருப்பினும் மக்களுக்கு ஜனநாயகம் கிடைத்துள்ளதெனத் தெரிவித்துள்ளார்.
