‘தல’ தன் தலையை வைத்து உண்மையான கண்ணாடியை உடைத்திருக்கிறார்

மங்காத்தா, வீரம், தற்போது ‘என்னை அறிந்தால்’ என வரிசையாய் அஜித்  படத்தின் சண்டை காட்சிகளை வடிவமைத்து வருபவர் ‘ஸ்டண்ட்’ சில்வா மாஸ்டர்.

அதோடு என்னை அறிந்தால் படத்தில் ஒரு சிறிய ரோலில் தலை காட்டியும் உள்ளார். தொடர்ந்து அஜித் படங்களில் பணிபுரிவது குறித்து சில்வா மனம் திறந்து பேசியதாவது, இயக்குனர் வெங்கட்பிரபு தான் என்னை அஜித் சாரிடம் அறிமுகம் செய்து வைத்தார். மங்காத்தாவின் சண்டை காட்சிகள் மிகவும் பேசப்பட்டது. சிவா சார்கூட முன்னரே பணி புரிந்திருந்ததால் வீரம் கிடைத்தது.

 

அதில் ரயில் சண்டைக் காட்சிகள் பெரிதும் பேசப்பட்டது. இந்த படத்தில் அந்த கூட்டணியை தொடர்ந்துள்ளார் கௌதம் சார். அவருடனும் விண்ணைத்தாண்டி வருவாயா, நடுநிசி நாய்கள் என நான்கு படங்கள் வேலை செய்துள்ளோம். அஜித் சார்க்கும் என்னை பிடிக்கும் அதுவும் ஒரு காரணமாக இருக்கலாம். எல்லா ஸ்டண்ட்டும் லைவாக செய்திருக்கிறோம்.

 

அஜித் சார் எதாவது ஒரு ரிஸ்க் எடுத்து நமக்கு பீதியை கிளப்பி விட்டுவிடுவார். நாங்க எவ்வளவு சொல்லியும் கேட்காமல் இந்த படத்தில் ‘தல’ தன் தலையை வைத்து உண்மையான கண்ணாடியை உடைத்திருக்கிறார். கௌதம் சார் நடிக்க சொன்னதால் படத்தில் சின்ன ரோலில் தலை காட்டி உள்ளேன் என இவ்வாறு அவர் கூறினார்.