பிரதமருக்கு எதிராக நம்பிக்கையில்லாப் பிரேரணை சிக்கலில்....!
பிரதமர் ரணில் விக்கிரமசிங்கவிற்கு எதிராக நம்பிக்கையில்லாப் பிரேரணையை ஐக்கிய தேசியக் கட்சி மற்றும் சுதந்திரக் கட்சியின் ஒரு சிலரின் கை யொப்பத்தினை பெற்றதன் பின்னர் சபாநாயகரிடம் கையளிக்க கூட்டு எதிர்க்கட்சியின் பாராளுமன்ற குழு கூட்டத்தில் தீர்மானிக்கப்பட்டுள்ளது.
எனினும் நம்பிக்கையில்லா பிரேரணை தொடர்பில் கூட்டு எதிர்க்கட்சி க்குள் கருத்து முரண்பாடுகள் இருப்பதாக தெரியவருகின்றது.
இதன்படி ஆளும் கட்சியினரின் கையொப்பம் இல்லாமல் நம்பிக்கையில்லா பிரேரணையில் கையொப்பமிட மாட்டோம் என ஒரு தரப்பும் பிரேணைக்கு ஆளும் கட்சியினரின் கையொப்பம் அவசியமில்லை என ஒருதரப்பும் கூறியுள்ளமையினால் சிக்கலான நிலைமை காணப்பட்டுள்ளது.
எனினும் ஒரிரு தினங்களில் நம்பிக்கையில்லா பிரேரணை சபாநாயகரிடம் கையளிக்க கூடும் என எதிர்பார்க்கப்படுகின்றது.
கூட்டு எதிர்க்கட்சியின் பாராளுமன்ற குழுக் கூட்டம் நேற்று காலை பாராளுமன்ற கட்டத்தொகுதியில் நடைபெற்றது.
இக் கூட்டத்திற்கு கூட்டு எதிர்க்கட்சியின் பாராளுமன்ற உறுப்பினர்கள் அனைவரும் கலந்து கொண்டுள்ளனர்.
இந்த கூட்டத்தின் போது பிரதமர் ரணில் விக்கிரமசிங்கவிற்கு எதிரான நம்பிக்கையில்லா பிரேரணை தொடர்பில் விரிவாக ஆராயப்பட்டுள்ளது.
இதன்படி இந்த பிரேரணைக்கு ஆளும் கட்சியில் அங்கம் வகிப்போரின் கையொப்பத்தை பெற்றுக்கொள்வது தொடர்பில் கலந்துரையாடப்பட்டுள்ளது.
எனினும் பிரதமர் ரணில் விக்கிரமசிங்கவிற்கு எதிரான நம்பிக்கையில்லா பிரேரணை தொடர்பில் கூட்டு எதிரக்கட்சிக்குள் இரு வேறு கருத்துகள் நிலவுவதாக தெரியவருகின்றது.
இதன்படி இதன்படி ஆளும் கட்சியினரின் கையொப்பம் இல்லாமல் நம்பிக்கையில்லா பிரேரணையில் கையொப்பமிட மாட்டோம் என ஒரு தரப்பும் பிரேணைக்கு ஆளும் கட்சியினரின் கையொப்பம் அவசியமில்லை என ஒருதரப்பும் கூறியுள்ளமையினால் சிக்கலான நிலைமை ஏற்பட்டுள்ளது.
இதன்பிரகாரம் பிரசன்ன ரணதுங்க, ரமேஷ் பதிரண,நிமல் லன்சா மற்றும் குமார வெல்கம ஆகியோர் ஆளும் ஐக்கிய தேசியக் கட்சி மற்றும் சுதந்திரக் கட்சியினரின் கையொப்பம் இல்லாமல் நம்பிக்கையில்லா பிரேரணை கொண்டு வருவதில் பிரயோசனம் இல்லை என்ற கருத்து ஆதரவு வழங்கியுள்ளனர்.
எனினும் டலஸ் அழகபெரும, மஹிந்தானந்த அளுத்கமகே ஆகியோர் நம்பிக்கையில்லா பிரேரணைக்கு ஆளும் கட்சியை பிரதிநிதித்துவப்படுத்துவோரின் கையொப்பம் அவசியமில்லை. ஏனெனில் அது அவர்களுக்கு சிக்கலை ஏற்படுத்தும். நம்பிக்கையில்லா பிரேரணைக்கு வாக்களித்தால் மாத்திரம் போதுமானது. அவர்களது கையொப்பம் அவசியமில்லையெனத் தெரிவித்துள்ளாா்.
இதன்பிரகாரம் உள்ளூராட்சி மன்ற தேர்தலில் வெற்றி பெற்றதன் பின்னர் நம்பிக்கையில்லா பிரேரணை தோல்வி அடைந்ததால் அது கூட்டு எதிர்க்கட்சிக்கு பாதிப்பாக அமையும் என்றே ஒரு தரப்பினர் தெரிவித்துள்ளனா்.
அத்துடன் இதன்போது கூட்டு எதிர்க்கட்சியின் இரு பிரதான தலைவர்கள் தற்போதைக்கு நம்பிக்கையில்லா பிரேரணை அவசியமில்லை என்று கூறியுள்ளதாக தெரிவிக்கப்படுகின்றது.
எவ்வாறாயினும் தற்போதைக்கு கூட்டு எதிர்க்கட்சியின் பாராளுமன்ற உறுப்பினர்கள் 51 பேர் நம்பிக்கையில்லா பிரேரணை க்கு கையொப்பமிட்டுள்ளதாகவும் இன்னும் நால்வர் கையொப்பமிட வேண்டியுள்ளதாகவும் தகவல் வட்டாரங்கள் தெரிவித்துள்ளன.
அத்துடன் சுதந்திரக் கட்சியினர் ஒரு சிலர் கையொப்பமிடவுள்ளதாகவும் நேற்று செவ்வாய்க்கிழமை இரவு அவர்களது கையொப்பத்தை பெற்றுக்கொள்வதற்கான நடவடிக்கைகளை கூட்டு எதிர்க்கட்சி முன்னெடுத்தது. என்றாலும் சுதந்திரக் கட்சியின் ஒரு சிலர் தனது தீர்மானத்தை மாற்றியிருப்பதாகவும் தகவல்கள் வெளியாகியுள்ளன.
இந்நிலையில் நம்பிக்கையில்லா பிரேரணையை சபாநாயகரிடம் கையளிப்ப தற்கான நடவடிக்கைகள் தீவிரமாக முன்னெடுக்கப்பட்டு வரும் நிலையில் கூட்டு எதிர்க்கட்சியில் கருத்து வேறுபாடுகள் உள்ளன. எனினும் ஒரிரு தின ங்களில் குறித்த பிரேரணை கையளிக்கப்படலாமென எதிா்பாா்க்கப்படுகின்றது.
