தமிழனுக்கு தமிழீழம் என்ற ஒரு நாடு உருவாகட்டும் - சத்யராஜ்
இழந்த நாட்டை மீட்டெடுக்க வேண்டும் என்பதே எமது ஒரே குறிக்கோள். எட்டு இலட்சம் சனத்தொகை கொண்ட மக்களுக்கு கொசோவோ என்ற நாடு உருவாகியது போல 10 கோடி தமிழனுக்கு தமிழீழம் என்ற ஒரு நாடு உருவாகட்டும் என்று நடிகர் சத்யராஜ் தெரிவித்துள்ளார்.
இயக்குநர் கௌதமனின் இயக்கத்தில் இலங்கையில் நடந்த இன அழிப்பு மற்றும் 2009 இன் பின்னர் இரகசியமாக தொடரப்படும் கட்டமைக்கப்பட்ட இன அழிப்பை சர்வதேச சமூகத்தின் பார்வைக்கு கொண்டு செல்லும் வகையில் உருவான பேர்சுட் ஒப் ஜஸ்டிஸ் (''Pursuit of Justice) என்ற ஆவணப்படம் சென்னை வடபழனியில் உள்ள ஏ.வி.எம் அரங்கில் திரையிடப்பட்டது.
இந்நிகழ்வில், கலந்துகொண்டு உரையாற்றும் போதே அவர் மேற்கண்டவாறு தெரிவித்தார்.அவர் தொடர்ந்து அங்கு உரையாற்றுகையில்,சரியான நேரத்தில் இந்த ஆவணப்படம் வெளியே கொண்டு வரப்பட்டுள்ளது. தமிழர்களுக்கு எதிரான கொடுமைகள் இவ்வளவு நடந்த பின்பும் ஒரே நாடு என்று சொல்வதில் எவ்வித அர்த்தமும் இல்லை. எங்களைப் பொறுத்தவரைக்கும் இழந்த நாட்டை மீட்டெடுக்கிறோம்.
