சர்வதேச விசாரணைகளுக்கான கதவுகளை திறக்கவே கெரி வந்தார் ! வசந்த பண்டார குற்றச்சாட்டு
உள்ளக விசாரணை என்ற பெயரில் சர்வதேச விசாரணைகளுக்கான கதவுகளை திறந்து விடவே ஜோன் கெரி இலங்கை வந்தார். என தேசப்பற்றுள்ள தேசிய இயக்கம் குற்றம்சுமத்தியுள்ளது.
கெரியின் விஜயம் இலங்கையின் ஆட்சி மாற்றத்தை ஏற்படுத்துவதற்கு அமெரிக்கா மேற்கொண்ட பங்களிப்பை வெளிப்படுத்தியுள்ளதெனவும் அவ்வியக்கம் மேலும் தெரிவித்துள்ளது.
இது தொடர்பாக தேசப்பற்றுள்ள தேசிய இயக்கத்தின் பொதுச் செயலாளர் டாக்டர் வசந்த பண்டார தெரிவிக்கையில்,
உள்ளக விசாரணைகள் என்ற பெயரில் இலங்கை தொடர்பில் சர்வதேச விசாரணைகளுக்கான கதவுகளை திறந்து விட்டுள்ள ஜோன்கெரியின் விஜயமானது நாட்டுக்கு பயங்கரமான ஆபத்தான விளைவுகளை ஏற்படுத்தும். தமது பங்களிப்புடனேயே இங்கு ஆட்சி மாற்றம் ஏற்பட்டது என்பதனையும் அவ்வாறு ஏற்படுத்தப்பட்ட அரசாங்கத்திற்கு தனது வாழ்த்துக்களை தெரிவிப்பதற்கும் மறுபுறம் உள்ளக விசாரணைகளுக்கு அழுத் தம் கொடுக்கவுமே கெரி இங்கு வந்தார்.
இதற்கு முன்பதாக இங்கு வந்த அமெரிக்க ராஜாங்க திணைக்களத்தின் உயரதிகாரியான கிலவிறொவிஸ் இலங்கை இறுதிக்கட்ட போர் தொடர்பாக தனக்கு கிடைத்த சாட்சியங்களை உள்ளக விசாரணைகளுக்கு வழங்குவதாக தெரிவித்தார். இது வேறொன்றுமல்ல. சர்வதேச விசாரணைப் பொறியில் எம்மை சிக்க வைப்பதற்கான அமெரிக்காவின் மூலோபாயமே ஆகும். அது மட்டுமல்லாது வெளிவிவகார அமைச்சர் மங்களவுடனான ஊடகவியலாளர் சந்திப்பில் கெரி தமிழர்களுக்கு எதிரான யுத்தம் எனத் தெரிவித்தார்.
ஆனால் இது தொடர்பாக மங்கள சமரவீர எதுவிதமான எதிர்ப்பையும் வெளி யிடவில்லையென்றும் டாக்டர் வசந்த பண் டார தெரிவித்துள்ளார்
