ஐக்கிய தேசியக் கட்சிக்கு மனோ கணேசன் எச்சரிக்கை !
கூட்டணி தர்மத்துடன் செயற்பட ஐக்கிய தேசியக் கட்சியே முயல வேண்டும்.
ஐக்கிய தேசியக் கட்சியின் உபதலைவர் ஒருவரே எங்களுக்கெதிராக கருத்துக்களை வெளியிட்டால் நாங்கள் காக்கும் கூட்டணி தர்மத்தை மறுபரிசீலனை செய்ய வேண்டிவரும் ஐக்கிய தேசியக் கட்சியின் பொதுச் செயலரும் அமைச்சருமான கபீர் ஹாசிமிடம் காட்டமாகத் தெரிவித்தவர் தமிழ் முற்போக்குக் கூட்டணியின் தலைவரும் அமைச்சருமான மனோ தேர்தல் மற்றும் தற்போதைய அரசியல் நிலமைகள் குறித்து அமைச்சர் மனோ கணேசனை அமைச்சர் கபீர் ஹாசிம் தொலைபேசி ஊடாகத் தொடர்பு கொண்டு பேசியபோதே மனோ இக் கருத்துக்களை அவரிடம் தெரிவித்துள்ளார்.
ஐக்கிய தேசியக் கட்சியுடன் சில இடங்களில் இணைந்து தேர்தலில் போட்டியி ட்டாலும் தனது கட்சிக்குத் தனித்துவம் உண்டென்பதை விளங்காமல் ஐக்கிய தேசியக் கட்சியின் முக்கிய தலைவர்கள் பொறுப்பற்ற முறையில் கருத்துக் கூறுவது சிறுபிள்ளைத் தனமானதென்பதால் கூட்டணி தர்மத்துடன் செயற்பட அந்தக் கட்சியின் உபதலைவருக்கு அறிவுரைகளைச் சொல்ல வேண்டுமென இதன்போது குறிப்பிட்டுள்ள அமைச்சர் மனோ, இன்னமும் நாகரிகமாக அரசியல் நடத்துவதால் கூட்டணி தர்மத்தை தமது கட்சி கடைப்பிடித்து வருவதாக தெரிவித்துள்ளார்.
