உலகின் மிகப்பெரிய கிரிக்கெட் மட்டை: கபில் தேவ் முன்னிலையில் கின்னஸ் சாதனை

51 அடி நீளம், 6.6 தொன் எடையுடன் இந்திய அணியின் முன்னாள் கேப்டன் கபில் தேவ் முன்னிலையில் அறிமுகப்படுத்தப்பட்ட உலகின் மிகப்பெரிய கிரிக்கெட் மட்டை கின்னஸ் சாதனை படைத்துள்ளது.

உலகக்கிண்ண கிரிக்கெட் போட்டிகள் நடந்து வரும் இந்நேரத்தில் ‘தேச த்தை இணைக்கும் உலகக் கோப்பை’ என்ற வாசகம் சென்னையில் பரவி வருகிறது. மேலும், சென்னையில் உள்ள பேரங்காடிகள் (ஷாப்பிங் மால் கள்) அனைத்தும் கிரிக்கெட் மற்றும் பிற விளையாட்டுகளையும் ஊக்குவிப்பதில் ஆர்வம் காட்டி வருகின்றன.

நகரம் முழுவதும் உள்ள கிரிக்கெட் ரசிகர்கள் அனைவரும் இதற்கு ஆதரவு தெரித்து வருகின்றனர். இந்நிலையில், சென்னை வேளச்சேரியில் உள்ள பீனிக்ஸ் மார்க்கெட் சிட்டியில் 51 அடி நீளம், 6.6 தொன் எடையுடன் இந்திய அணியின் முன்னாள் அணித்தலைவர் கபில் தேவ் முன்னிலையில் அறி முகப்படுத்தப்பட்ட உலகின் மிகப்பெரிய கிரிக்கெட் மட்டை கின்னஸ் சாதனை படைத்துள்ளது.

மிகப்பெரிய கிரிக்கெட் பேட் ஒன்றை வைத்து இச் சாதனையை ஏற்படுத்தி யுள்ள பலேடியம் மற்றும் பீனிக்ஸ் மார்க்கெட் சிட்டியின் முயற்சிக்கு எமது மனமார்ந்த வாழ்த்துக்களை தெரிவித்துக்கொள்கின்றோம்.