பக்கச்சார்பாகவே அறிக்கை வெளியிடப்பட்டுள்ளது

பயங்கரவாதிகளுக்கு பக்கச்சார்பானதாகவே ஐக்கிய நாடுகள் மனித உரிமை அலுவலகத்தின் அறிக்கை வெளியிடப்பட்டுள்ளது. எனவே அதில் அடங்கியுள்ள விடயங்களை நிறைவேற்ற வேண்டிய அவசியம் அரசுக்கு கிடையாது என அமைச்சர் சம்பிக்க ரண வக்க தெரிவித்துள்ளார்.

எமது நாட்­டுக்கு எதி­ராக பொரு­ளா­தாரத்தடைகள் விதிக்­கப்­ ப­டலாம். ஆணை பிறப்­பித்­த­வர்­களின் பெயர்கள் வெளி­யி­டப்­ப­டலாம் என்ற அச்சம் இன்று நீங்­கி­யுள்­ளது. அவ்­வா­று எது­வுமே அறிக்­கையில் இடம்­பெ­ற­வில்­லை­யென்றும் அமைச்சர் குறிப்பிட் டுள்ளார்.

\

மேல் மாகாண சபை அமைச்­ச­ராக பத­வி­யேற்ற பின்னர் நிஷாந்த ஸ்ரீவர்­ண­சிங்க மாகாண அமைச்சில் தனது கடை­மை­களை அண்­மையில் பொறுப்­பேற்றார். இந்த நிகழ்வில் கலந்து கொண்டு உரை­யாற்றும் போதே அமைச்சர் சம்­பிக ரண­வக்க இவ்­வாறு தெரி­வித்­துள்ளார்.

அமைச்சர் இங்கு மேலும் தெரி­வித்­தி­ருப்­ப­தா­வது

ஐ.நா. மனித உரிமை அலுவலகத்தினால் வெளி­யி­டப்­பட்­டுள்ள அறிக்கை தொடர்­பாக நாட்டு மக்கள் மத்­தியில் விவாதம் உரு­வா­கி­யுள்­ளது.இவ் அறிக்­கை பக்கச் சார்­பற்ற அறிக்­கை­யல்ல என்­பதைக் கூற வேண்டும்.இலங்­கையில் இடம்­பெற்ற யுத்தம் தொடர்பில் உண்­மை­யான தக­வல்கள் இதில் வெளி­யா­க­வில்லை.

நாடு தொடர்பில் காணப்­பட்ட, சில பிழை­யான அவ­தா­னிப்­புக்­க­ளுக்கும் இதன் மூலம் தீர்வு கிடைத்­தது. யுத்­தத்தின் போது தமிழ் மக்கள் இனப்­ப­டு­கொலை செய்­யப்­பட்­டார்கள் என்றும் யுத்­தத்­திற்கு ஆணை பிறப்­பித்த 42 பேரின் பெயர்கள் தம்­மிடம் இருப்­ப­தா­கவும், அவர்களின் பெயர்கள் வெளி­யி­டப்­ப­டு­மென்ற அச்சமும் சந்­தேகமும் நில­வி­யது.

நாட்­டுக்கு எதி­ராக பொரு­ளா­தாரத் தடை விதிக்­கப்­படும் எனவும் அதற்­காக ஐ.நா. மனித உரிமை ஆணைக்­கு­ழுவின் அறிக்கை அடிப்­ப­டை­யாக எடுத்துக் கொள்­ளப்­படும் என்றும் சந்­தே­கமும் அச்­சமும் நில­வி­யது.அது மட்­டு­மல்­லாது படை­யினர் அர­சி­யல்­வா­திகள் வெளி­நா­டு­களில் வைத்து கைது செய்­யப்­படவுள்­ளனர் என்றும் சந்­தேகம் நில­வி­யது.இவ் அறிக்­கைபயங்­க­ர­வா­தி­க­ளுக்கு பக்கச் சார்­பான விட­யங்­களை வெளி­யிட்­டுள்­ளது.

இந்த அறிக்­கையின் பிர­காரம் அனைத்தும் நிறை­வேற்­றப்­ப­ட­மாட்­டாது. இந்த அறிக்கை ஐ.நா. மனித உரிமை ஆணைக்­கு­ழுவில் நிறை­வேற்­றப்­பட வேண்டும். இது தொடர்பில் விவாதம் எதிர்­வரும் 30ஆம் திகதி நடை­பெ­றலாம்.

நாட்டின் தேசிய நல்­லி­ணக்கம் சமா­தா­னத்­திற்கு குந்­தகம் ஏற்­ப­டாத விதத்தில் இவ்­வ­றிக்கை நிறை­வேறும் என எதிர்­பார்க்­கின்றோம்.

ஐ.நா. சபை மற்றும் பாது­காப்பு சபையில் நிறைவேற்றப்படும் பிரேரணைகளையே நிறைவேற்றுவதற்கு அரசு கடமைப்பட்டுள்ளது. எமது நாட்டில் பலமான ஜனநாயக சட்ட. நீதித் துறை செயல்படுவதை எதிர்காலத்தில் எம்மால் நிரூபிக்க முடியும் என்றார்.