ரயிலில் மோதுண்டு உயிரிழந்த இளம் பெண்கள் : சிசிடிவி காணொளி வெளியானது
இரு இளம் பெண்களும் காதில் இயபோன் மாட்டி இருந்தமையால் ரயில் வருவதையும் அருகில் இருந்தவர்கள் கூச்சமிட்டதையும் கேட்காதமையினால் இந்த கோர விபத்தில் சிக்கினர்.
பிறந்தநாள் விருந்துபசாரம் ஒன்றிற்கு சென்ற வேளையிலேயே குறித்த பரிதாப சம்பவம் நடந்துள்ளது.நேற்று முன்தினம் இரு யுவதிகளும் வெள்ளவத்தைக்கும் தெஹிவளைக்கும் இடைப்பட்ட பகுதியில் ரயில் கடவையை கடப்பதற்கு முயற்சித்தபோது சடுதியாக வந்த ரயிலில் மோதுண்டு உடல் சிதறி பரிதாபமாக உயிரிழந்தனர்.
மருதானையிலிருந்து கொழும்பு கோட்டை ஊடாக களுத்துறை நோக்கி பயணித்த மேற்படி ரயில் வெள்ளவத்தையை கடந்து சென்ற வேளையில் குறித்த சம்பவம் நிகழ்ந்துள்ளது.குறித்த இரு யுவதிகளும் 19 வயதுடையவர்களளென்பதுடன் இம் முறை இடம்பெறவிருந்த உயர் தர பரீட்சைக்கு தோற்ற இருந்தனர்.
வெள்ளவத்தை சில்வா மாவத்தையை சேர்ந்த ஷெரோன் சிவேலினி, களனி பெரேரா மாவத்தையைச் சேர்ந்த ஹிமாசி யாசாரா பெரேரா ஆகிய இருவருமே ரயில் விபத்தில் உயிரிழந்துள்ளனர்.
