அமெரிக்க விண்வெளி நிறுவனத்தில் வெடிப்பு

அமெரிக்காவின் ஃப்ளோரிடா மாகாணத்தில் உள்ள ஏவுதளத்தில், ஸ்பேஸ் எக்ஸ் என்ற விண்வெளி நிறுவனத்திற்குச் சொந்தமான ரொக்கெட் ஒன்று நேற்று வெடித்துச் சிதறியுள்ளது.

இந்த வெடிப்பில் காயமடைந்தவர்கள் தொடர்பான எவ்வித தெளிவான தகவலும் இன்னும் கிடைக்கவில்லையென பி.பி.சி. சர்வதேச செய்திச் சேவை அறிவித்துள்ளது.

எதிர்வரும் சனிக்கிழமையன்று, இஸ்ரேலிய செயற்கைக்கோள் ஒன்றை ஏவ திட்டமிட்டிருந்த நிலையில், சோதனை அடிப்படையில் ஆளில்லா ரொக்கெட் ஒன்றை ஏவியபோது அது வெடித்துச் சிதறியதாக அமெரிக்க விண்வெளி நிறுவனமான நாசா தெரிவித்துள்ளது.

ரொக்கெட் ஏவப்பட்ட இடத்திலிருந்து பெரும் புகை கிளம்பியதாகவும், அதிர்ச்சி அலை ஒன்றை உணர்ந்ததாகவும் விபத்தை நேரில் பார்த்தவர்கள் கூறியுள்ளனர்.