சுசீந்திரனுக்காக 'ஈஸ்வரன்' ஆன சிம்பு: பொங்கல் ரிலீஸ்!
லாக்டவுன் நேரத்தில் சிம்பு தீவிரமாக ஒர்க்அவுட் எல்லாம் செய்து வந்தார். அவர் வெங்கட் பிரபுவின் மாநாடு படத்திற்காகத் தான் தன் உடல் எடையை வெகுவாக குறைக்கும் முயற்சியில் ஈடுபட்டார் என்று நினைக்கப்பட்டது. ஆனால் எடையை குறைத்தது சுசீந்திரன் படத்திற்காக என்பது பின்னர் தெரிய வந்தது.
கிராமத்து பின்னணி கொண்ட கதை, ஒரே மாதத்தில் படப்பிடிப்பை முடித்துவிடலாம் என்று சுசீந்திரன் சிம்புவிடம் கூற அவரும் ஓகே சொல்லிவிட்டார். இதையடுத்து சிம்பு சென்னையில் இருந்து கிளம்பி மதுரைக்கு வந்தார். விமான நிலையத்தில் அவர் மாஸ்க் அணிந்திருந்ததால் முகத்தை பார்க்க முடியவில்லை.
இதையடுத்து சிம்பு மீண்டும் சமூக வலைதளத்தில் என்ட்ரி கொடுத்து வீடியோ ஒன்றை வெளியிட்டார். மேலும் சிம்பு46 படத்தின் ஃபர்ஸ்ட் லுக் போஸ்டர் மற்றும் மோஷன் போஸ்டர் விஜயதசமி அன்று வெளியாகும் என்று அறிவித்தார் சிம்பு.
ஒல்லியான சிம்புவின் முகத்தை பார்க்க ஆவலாக இருந்த ரசிகர்கள் ஃப்ர்ஸ்ட் லுக் போஸ்டர் மற்றும் மோஷன் போஸ்டரை பார்த்து மகிழ்ச்சி அடைந்துள்ளனர். சிம்பு, சுசீந்திரன் படத்திற்கு ஈஸ்வரன் என்று பெயர் வைத்துள்ளனர். ஈஸ்வரன் படம் பொங்கலுக்கு ரிலீஸாகும் என்று தெரிவிக்கப்பட்டுள்ளது.
சிம்புவை ஸ்லிம் லுக்கில் பார்த்த ரசிகர்களுக்கு ஆனந்த கண்ணீர் வந்துவிட்டது. பொங்கலுக்கு விஜய்யின் மாஸ்டர், கார்த்தியின் சுல்தான், தனுஷின் ஜகமே தந்திரம் ஆகிய படங்களும் ரிலீஸாகவிருக்கின்றன.#Eeswaran #SilambarasanTR #ThaandavaPongal2021https://t.co/QYBZ7lSpWt@madhavmedia@dcompanyoffl@SusienthiranDir @MusicThaman @DOP_Tirru @AgerwalNidhhi @DSharfudden@DabbooRatnani pic.twitter.com/wCRqIFiQb0
— Silambarasan TR (@SilambarasanTR_) October 26, 2020
லாக்டவுனுக்கு முன்பு சிம்பு மாநாடு படத்தில் நடித்து வந்தார். கொரோனா வைரஸ் பிரச்சனை ஏற்படவே படப்பிடிப்பை நிறுத்தி வைத்தார்கள். இந்நிலையில் அடுத்த மாதம் முதல் வாரத்தில் மீண்டும் படப்பிடிப்பை துவங்கவிருக்கிறார்கள். சுசீந்திரன் பட வேலையை முடித்துக் கொண்டு சிம்பு, மாநாடு படப்பிடிப்பில் கலந்து கொள்ளவிருக்கிறார்.
மாநாடு படத்தை அடுத்து லோகேஷ் கனகராஜ் இயக்கத்தில் சிம்பு நடிப்பார் என்று நம்பப்படுகிறது. லோகேஷ் கனராஜ், சிம்பு கூட்டணி சேரும் படத்தை உலக நாயகன் கமல் ஹாசன் தயாரிக்கவிருக்கிறார். சிம்பு படத்தை இயக்குவதற்கு முன்பு லோகேஷ், கமலை ஹீரோவாக வைத்து படம் பண்ணவிருக்கிறார்.