பிரண்டைத்தண்டின் அற்புத மருத்துவக்குணங்கள்!
பிரண்டை என்றாலே நம் உடலின் எலும்பினைப் பலப்படுத்தும் ஒன்றாக இது இருக்கிறது. இது உடல் எடை குறைவு, நீரிழிவு நோய், எலும்பு பலம், அல்சர் எதிர்ப்பு வரை அனைத்து விதமான நன்மைகளையும் இது வழங்குகிறது. இது குறித்த கூடுதல் தகவல்களை இப்பதிவு வழங்குகிறது.
பிரண்டையின் பயன்கள்
நீரிழிவு நோய்க்கு நல்லது
உடல் எடையை குறைக்க உதவுகிறது.
எலும்பு ஆரோக்கியத்தை மேம்படுத்த உதவுகிறது.
அல்சர் குறைக்கும் பண்பினைப் பெற்றிருக்கிறது.
நீரிழிவு நோயாளிகளுக்கு பிரண்டை மிகவும் நல்லது. இது இரத்த சர்க்கரை அளவைக் குறைக்க உதவுகிறது மற்றும் நீரிழிவு நோயுடன் தொடர்புடைய பல சிக்கல்களைத் தடுக்கிறது. பிரண்டை கார்போஹைட்ரேட் வளர்சிதை மாற்ற நொதிகளின் செயல்பாட்டை ஒழுங்குபடுத்துகிறது, இதனால் இரத்த குளுக்கோஸ் அளவைக் குறைக்கிறது. நீங்கள் உயர் இரத்த சர்க்கரை நோயால் பாதிக்கப்பட்ட நீரிழிவு நோயாளியாக இருந்தால், பிரண்டையை தவறாமல் சாப்பிடுவது இரத்த சர்க்கரை அளவை சீராக பராமரிக்க உதவும். வழக்கமான உடற்பயிற்சி மற்றும் ஆரோக்கியமான உணவு உடல் இடையை குறைக்க மிகவும் முக்கியமாகும், ஆனால் பிரண்டை உடல் எடை குறைக்கும் செயல்பாட்டை வேகப்படுத்தும், இது எல்டிஎல் கொழுப்பு மற்றும் ட்ரைகிளிசரைடுகளைக் குறைக்க உதவுகிறது.
பாரம்பரியமாக இந்தியாவில் குறிப்பாக தமிழ்நாட்டில் ஆயுர்வேத மருத்துவத்தில் பல நூற்றாண்டுகளாக எலும்புகளை குணப்படுத்துவதற்கு பிரண்டை பயன்படுத்தப்படுகிறது. வெளிப்புற பயன்பாடு மற்றும் உள் நுகர்வு இரண்டும் எலும்பு முறிவுகளை குணப்படுத்த உதவுகின்றன. அதிக அளவு பைட்டோ ஈஸ்ட்ரோஜெனிக் ஸ்டெராய்டுகள், கால்சியம் மற்றும் பாஸ்பரஸ் இருப்பதால் இது மிகவும் பயனுள்ளதாக இருக்கிறது. இது எலும்புகளை வேகமாக குணப்படுத்த உதவுகிறது. எலும்பு முறிவுகள் மற்றும் மூட்டு வலிகளை விரைவாக குணப்படுத்த உதவுகிறது.
பிரண்டையின் மற்றொரு சுவாரசியமான பயன் என்னவென்றால், இது புண்களை நன்றாக குணப்படுத்த உதவுகிறது. நீங்கள் அல்சரால் அவதிப்படுபவராக இருந்தால், உங்கள் உணவில் பிரண்டையை தவறாமல் சேர்த்துக்கொள்ள பரிந்துரைக்கிறேன். புண்களுக்கு சிகிச்சையளிப்பதில் இது மிகவும் பயனுள்ளதாக இருப்பதற்கான காரணம், பிரண்டையில் காணப்படும் சிட்டோஸ்டெரால் மற்றும் ட்ரைடர்பெனாய்டுகளின் இருப்பு ஆகும். ஆஸ்டியோபோரோசிஸ் எதிர்ப்பு என்று பார்த்தால் பிரண்டையின் முக்கிய நன்மை என்னவென்றால், எலும்பு வளர்ச்சிக்கு பெரிதும் உதவுகிறது. அதிகமான பெண்கள் ஆஸ்டியோபோரோசிஸ் நோயால் பாதிக்கப்படுவதால் இது மிகவும் முக்கியமானது.
பிரண்டை என்றாலே அரிப்பு தன்மை கொண்டது என அனைவருக்கும் எண்ணம் இருக்கும். அந்த அரிப்பினைப் போக்க என்ன செய்யலாம் எனப் பார்க்கலாம். பிரண்டையில் அரிக்கும் தன்மை இருப்பதால் பலர் அதைப் பயன்படுத்தத் தயங்குகிறார்கள், ஆனால் நாம் பிரண்டையை சரியாகக் கையாண்டால், நம் கைகளில் அரிப்பு ஏற்படுவதைத் தடுக்கலாம். முதலில் எப்போதும் மென்மையான பிரண்டை எடுக்க முயற்சி செய்யுங்கள்.
இளம் பிரண்டைகளை கைகளால் எளிதில் உடைத்து விடலாம். பிரண்டை வயதாகும்போது அது கெட்டியாகிவிடும். கைகளில் அரிப்பு ஏற்படாமல் இருக்க, பிரண்டையை கையாளும் முன் கைகளில் சிறிது எள் எண்ணெயை தடவவும். பிறண்டைச் சேகரித்த பிறகு, அதை நன்றாகக் கழுவி, முனைகளில் உடைத்து, முனைகளையும் அகற்றவும்.
