வடக்கு முதல்வரை சந்தித்தார் சுவிட்ஸர்லாந்தின் நீதியமைச்சர்

சுவிட்ஸர்லாந்தின் மத்திய அரசாங்கத்தின் சட்டம் மற்றும் நீதியமைச்சர் சிமோனிட்டா சொமருகா தலைமையிலான குழுவினர் யாழ்ப்பாணத்திற்கு திடீர் விஜயம் மேற்கொண்டுள்ளனர்.

இன்று காலை யாழ்ப்பாணத்திற்கு விஜயம் செய்த சிமோனிட்டா சொமருகா தலைமையிலான குழுவினர் வடமாகாண முதலமைச்சர் சி.வி. விக்னேஸ்வரனை சந்தித்து பேச்சுவார்த்தை மேற்கொண்டுள்ளனர்.

யாழ்ப்பாணம் கைதடியிலுள்ள வடமாகாண முதலமைச்சர்  அலுவலகத்தில் இடம்பெற்ற இந்த சந்திப்பில் வடமாகாணத்தின் தற்போதைய நிலைமைகள், தென்பகுதியிலுள்ள அரசியல் சூழ்நிலைகள் குறித்தும் கலந்துரையாடப்பட்டுள்ளது.