ads header

Breaking News

ஒரு ட்வீட் போட்ட லோகேஷ்: துள்ளிக் குதிக்கும் கமல், 'மாஸ்டர்' விஜய் ரசிகர்கள்!

11/05/2020 , , ,
மாஸ்டர் படத்தை அடுத்து லோகேஷ் கனகராஜ் உலக நாயகன் கமல் ஹாசனை வைத்து படம் இயக்குவது அனைவருக்கும் தெரியும். அந்த படத்தை தயாரித்து, நடிக்கிறார் கமல். அண்மையில் தான் அந்த படம் தொடர்பான போட்டோஷூட்டில் கமல் கலந்து கொண்டார். 

அந்த போட்டோஷூட்டின்போது எடுக்கப்பட்ட புகைப்படங்களில் ஒன்று வெளியாகி வைரலானது. இந்நிலையில் நாளை மறுநாள் கமலின் பிறந்தநாள் என்பதால் கமல் ஹாசன் 232 படம் குறித்து அப்டேட் வேண்டும் என்று ரசிகர்கள் கேட்டுக் கொண்டிருந்தனர்.  

மாஸ்டர் அப்டேட் கேட்டு விஜய் ரசிகர்கள் பல மாதமாக கதறியுமே கண்டுகொள்ளாமல் இருக்கும் லோகேஷ், கமல் ரசிகர்களின் கோரிக்கையை மட்டும் ஏற்பாராக்கும் என்றார்கள் சமூக வலைதளவாசிகள். இந்நிலையில் கமல் ஹாசன் 232 குறித்த டீஸர் நாளை மறுநாள் மாலை 5 மணிக்கு வெளியாகும் என்று கூறி ட்வீட் செய்துள்ளார் லோகேஷ் கனகராஜ்.  

அந்த ட்வீட்டை பார்த்த விஜய் ரசிகர் ஒருவர், மாஸ்டர் அப்டேட் கேட்டார். அதற்கு லோகேஷ் கனகராஜோ, மிக விரைவில் நண்பா என்று பதில் அளித்துள்ளார். அந்த பதிலை பார்த்த விஜய் ரசிகர்களோ, போடுடா வெடிய என்று குஷியாகிவிட்டனர்.  

முன்னதாக பேட்டி ஒன்றில் லோகேஷ் கனகராஜ் மாஸ்டர் அப்பேட் கொடுப்பது பற்றி பேசியிருந்தார். அந்த வீடியோவை பார்த்த ரசிகர்களோ, இந்த ஜென்மத்துக்கும் அப்டேட் வராது என்பதை என்ன நேக்கா சொல்லியிருக்கிறார் பாரேன் என்றார்கள். அந்த வீடியோ வெளியான வேகத்தில் லோகேஷே ட்விட்டரில் பதில் அளித்திருப்பதால் கண்டிப்பாக மிக விரைவில் மாஸ்டர் பற்றிய அப்டேட் வரும் என்று நம்பப்படுகிறது.   

மாஸ்டர் படத்தில் விஜய்யும், விஜய் சேதுபதியும் மோதும் காட்சிகளை தியேட்டரில் பார்த்து கொண்டாட ரசிகர்கள் மரண வெயிட்டிங். தற்போது தியேட்டர்கள் வேறு திறப்பதால் மாஸ்டரை விரைவில் ரிலீஸ் செய்தால் நன்றாக இருக்கும் என்று எதிர்பார்க்கிறார்கள் ரசிகர்கள்.